Безбедност. Заштита. Работа од дома. Денес, кога ги слушаме овие зборови почесто од вообичаено, потребна ни е заштита и безбедност и во мрежата на Интернет.

Поради ситуацијата што бара од нас да работиме дома, пожелно е посериозно да ги сфатите вашата безбедност и безбедноста на вашите податоци. Без разлика дали сакате да ги заштитите вашите податоци или да бидете анонимни, тоа можете да го сторите денес преку VPN.

Што е VPN?

Виртуелна приватна мрежа или VPN е мрежна технологија која создава безбедна или шифрирана врска преку Интернет.

Шифрирана врска помага да се обезбеди безбедно пренесување на приватни податоци. Исто така, спречува неовластено прислушување на сообраќајот и му овозможува на корисникот безбедно да ја заврши својата работа.

Услугата VPN го криптира целиот сообраќај од вашите уреди и го насочува преку посреднички сервер до локацијата што ја избравте. Ова ги спречува хакерите, давателите на интернет услуги, но и другите „заинтересирани“ да ја следат содржината на вашиот сообраќај.

Покрај тоа, VPN ќе ја скрие вашата корисничка IP адреса, како и вашиот идентитет од страниците што ги посетувате и апликациите што ги користите.

Како работи виртуелна приватна мрежа (VPN)?

Кога активирате VPN, тој веднаш ги штити вашите податоци. Целиот ваш интернет сообраќај и податоци одат на VPN, а потоа во шифрирана форма одат на вашиот интернет провајдер, а потоа на серверот VPN.

Веб-страницата што ја посетивте ги гледа вашите податоци како од VPN серверот и неговата локација, а не од вашиот компјутер и вашата локација.

Зошто VPN?

За подобро разбирање на значењето и функцијата на VPN, еве еден пример. Запомнете кога последен пат сте користеле Wi-Fi во кафуле, аеродром или на патување. Лесно се закачивте и користевте интернет без проблеми, нели? Прва мисла: „Одличен, бесплатен интернет“. Но, дали знаете кој може да го следи сообраќајот на таа мрежа?

Размислете за лозинките, банкарските детали, броевите на кредитните картички, но исто така и за „обичните“ приватни податоци, кои ги пренесувате секогаш кога одите на Интернет.

Ако се поврзете на истата јавна Wi-Fi мрежа користејќи VPN, можете да бидете сигурни дека никој на таа мрежа нема да може да ги гледа или користи вашите податоци.

Како може VPN да ви биде уште покорисен?

Покрај подобрувањето на заштитата на вашите податоци, VPN може да ви помогне да ги заобиколите ограничувањата за геолокација со некои услуги.

На пример, некои земји го блокираат Netflix или Hulu, и ако сте претплатник и сакате да ги гледате, сега можете да го сторите тоа користејќи VPN.

Исто така, ако сте љубител на игри, некои игри имаат исти или слични ограничувања во геолокација, кои исто така можете да ги заобиколите на овој начин.

Топ 10 најкористени VPN во светот:

Express VPN – www.www.expressvpn.com

NordVPN – www.nordvpn.com

CyberGhostVPN – www.cyberghostvpn.com

PrivateVPN – www.privatevpn.com

Strong VPN – www.strongvpn.com

IP Vanish – www.ipvanish.com

VyprVPN – www.vyprvpn.com

HideMyAss – www.hidemyass.com

Private Internet Access – www.privateinternetaccess.com

HotSpot Shield – www.gohotspotshield.com

Дали користењето VPN е незаконско?

Верувале или не, нелегално е да се користи VPN во некои земји. На пример, во Северна Кореја, Кина, Иран и Емиратите, додека во Русија тоа е ограничено.

Во повеќето земји, употребата на VPN е целосно легална, но злоупотребата од друга страна не е.

Затоа, не е дозволено да се злоупотребува VPN и да се користи за извршување незаконско дело.